مہاراشٹر: انجینئرنگ طالبہ پر تیزاب سے حملہ

مہاراشٹر کے ضلع گونڈیا میں گذشتہ روز تیزاب کے حملے میں انجینئرنگ کی ایک 20 سالہ طالبہ شدید زخمی ہوگئی۔

یہ واقعہ منڈی پور بس اسٹینڈ کے قریب پیش آیا، موٹر سائیکل سوار دو افراد نے طالبہ پر تیزاب پھینک دیا جس کے سبب وہ شدید زخمی ہوگئی۔

متاثرہ ناگپور کے ایک انجینئرنگ کالج میں سیکنڈ ائیر کی طالبہ ہے،متاثرہ ناگپور جانے کے لیے بس کا انتظار کررہی تھی تبھی دو موٹر سائیکل سوار افراد آئے جن کا چہرہ ڈھکا ہوا تھا انہوں نے طالبہ پر تیزاب پھینک دیا۔

ان دونوں نے متاثرہ پر تیزاب پھینک دیا اور فرار ہوگئے طالبہ کو قریبی ہسپتال میں داخل کرایا گیا، بعد میں علاج کے لیے اسے ناگپور بھیج دیا گیا۔

اس معاملے میں دو نامعلوم افراد کے خلاف مقدمہ درج کیا گیا ہے۔