مہاراشٹر: گونڈیا میں نکسل ٹھکانے کا انکشاف، اسلحہ برآمد

مشترکہ کارروائی میں مہاراشٹر پولیس اور اینٹی نکسل اسکواڈ نے گونڈیا ضلع میں ایک نکسل ٹھکانے سے 27 الیکٹرانک ڈیٹونیٹرز سمیت دھماکہ خیز مواد برآمد کیا۔

مہاراشٹر کے ضلع گونڈیا کے سالیکاسا علاقے میں پولیس، سی 60 کمانڈوز اور بم ڈسپوزل اور سراغ لگانے والی ٹیم کے مشترکہ آپریشن میں دھماکہ خیز مواد اور الیکٹرانک ڈیٹونیٹرز کا ایک بہت بڑا ذخیرہ ہفتے کے روز ایک نکسل ٹھکانے سے برآمد کیا گیا۔

گونڈیا کے سپرنٹنڈنٹ پولیس وشوا پانسرے نے بتایا کہ 20 کلوگرام صلاحیت کا اسٹیل باکس، دھماکہ خیز مواد بنانے کے لئے 150 راڈس گینڈوظریہہ پہاڑیوں سے ایک مخصوص اطلاع کے بعد برآمد کیا گیا۔

انہوں نے مزید کہا کہ یو اے پی اے اور دھماکہ خیز ایکٹ کی دفعات کے تحت مقدمہ درج کیا گیا ہے۔