Maharashtra Political Crisis: 'اکثریت کا فیصلہ اسمبلی میں ہوگا'

مہاراشٹر میں جاری سیاسی بحران کے دوران مہا وکاس اگھاڑی رہنماؤں کا مسلسل بیان سامنے آرہا ہے، وہیں نیشنلسٹ کانگریس پارٹی کے سربراہ شرد پوار نے کہا کہ ہم حکومت بچانے کی ہر ممکن کوشش کریں گے۔ Maha Govt is in minority or not has to be established in Vidhan Sabha

این سی پی سربراہ شرد پوار نے صحافیوں سے بات کرتے ہوئے کہا کہ اکثریت کا فیصلہ اسمبلی میں ہوگا، جب باغی اراکین اسمبلی ممبئی واپس آئیں گے۔ انہوں نے کہا کہ سبھی جانتے ہیں کہ شیوسینا کے باغی اراکین اسمبلی کو گجرات اور پھر آسام کیسے لے جایا گیا۔ ہمیں ان کی مدد کرنے والوں کے نام لینے کی ضرورت نہیں ہے۔ آسام حکومت ان کی مدد کر رہی ہے۔ مجھے مزید کسی کا نام لینے کی ضرورت نہیں۔

شرد پوار نے کہا کہ مہا وکاس اگھاڑی نے وزیر اعلی ادھو ٹھاکرے کی حمایت کا فیصلہ کیا ہے، اور مجھے یقین ہے کہ شیوسینا کے باغی اراکین جب ممبئی آجائیں گے، تب حالات ٹھیک ہوجائیں گے۔ ہم نے مہاراشٹر میں کئی بار ایسے حالات دیکھے ہیں۔ اپنے تجربے سے میں کہہ سکتا ہوں کہ ہم اس بحران کو شکست دیں گے اور ادھو ٹھاکرے کی قیادت میں حکومت آسانی سے چلے گی۔