ممبئی کے سہیادری گیسٹ ہاؤس میں وزیر اعلی ادھو ٹھاکرے اور مسلم قائدین و علماؤں سے این آر سی اور شہریت ترمیمی قانون سے متعلق امور پر باتیں کی گئیں۔
ایک گھنٹے تک چلنے والی اس میٹنگ میں وزیر اعلیٰ اودھو ٹھاکرے نے یہ یقین دلایا ہے کہ 'ریاست کے کسی بھی باشندے کو اس قانون سے متعلق کسی بھی طرح سے گھبرانے کی ضرورت نہیں ہے۔
اس موقع پر ملی تحریک کے صدر اور رکن اسمبلی ابو عاصم اعظمی سے ای ٹی وی بھارت کے نمائندے۔شاہد انصاری نے خاص بات چیت کی۔
ابو عاظم اعظمی نے اس موقع پر کہا ہے تین طلاق، کشمیر، گؤ کشی کے نام پر ماب لنچنگ کے واقعات پر خاموش رہنا یہ سب سے بڑی غلطی تھی لیکن سی اے اے کے خلاف ہوئے مظاہرے کے بعد وزیر اعظم نریندر مودی کا بھی نظریہ بدلا ہے۔
واضح رہے کہ این آر سی اور سی اے اے سے متعلق مسلمانوں میں پھیلی بے چینی کے تعلق سے ادھو ٹھاکرے نے سہیادری گیسٹ ہاؤس میں تقریباً 150 علمائے کرام اور متعدد سماجی شخصیات کی میٹنگ بلائی تھی اور انھیں اس بات کا تیقن دیا کہ ریاست کے مسلمانوں کو اس قانون سے خوفزدہ ہونے کی کوئی ضرورت نہیں ہے۔
