اورنگ آباد میں لاک ڈاؤن ابھی نہیں نافذ کیا جائے گا

ریاست مہاراشٹر کے ضلع اورنگ آباد میں دوبارہ لاک ڈاؤن لگانے کو لیکر افواؤں کا بازار گرم ہے لیکن ان افواہوں کے بیچ پولیس کمشنر نیتین گپتا نے دوبارہ لاک ڈاؤن کی خبروں سے انکار کیا ہے ۔

اورنگ آباد میں کورونا کے مریضوں کی تعداد میں ہر روز تین سو سے زیادہ کا اضافہ ہورہا ہے جسکی وجہ سے اورنگ آباد شہر میں افواہوں کا بازار گرم ہیں لوگوں کا کہنا ہے کہ اورنگ آباد میں دوبارہ لاک ڈاؤن نافذ کیا جا سکتا ہے، لیکن آج کلکٹر آفیس میں میٹنگ کے بعد اورنگ آباد پولیس کمشنر نے کہا ہے کہ شہر میں لاک ڈاؤن کا کوئی بھی فیصلہ نہیں دیا گیا ہے۔

شہر کی عوام سے پولیس کمشنر نیتین گپتا نے کہا کہ کورونا سے بچنے کے لئے لوگوں کو ماسک لگانا چاہیے، ساتھ ہی حکومت کے ساتھ تعاون کرنے کی اپیل کی ہے۔
پولیس کمشنر نے کہا ہے کہ آج ضلع کلکٹر آفس میں سبھی عوامی نمائندوں کی جو میٹنگ ہوئی ہے اس میں کورونا کو لے کر احتیاطی تدابیر برتنے کی ہدایت پر زور دی ہے۔