اورنگ آباد شہر پوری طرح اَن لاک

ریاست مہاراشٹر کے اورنگ آباد شہر کو پوری طرح اَن لاک کردیا گیا ہے لیکن مضافات میں شام 5 بجے کے بعد لاک ڈاؤن نافذ رہے گا۔

اورنگ آباد میں اَن لاک ہونے پر بیوپاری طبقہ سمیت تمام لوگوں نے راحت کی سانس لی اور اَن لاک کے پہلے ہی دن بازاروں میں خریداری کے لیے لوگوں کا ہجوم اُمڈ پڑا۔

ضلع کلکٹر سنیل چوہان کی جانب سے جاری کردہ اعلامیہ کے مطابق اورنگ آباد شہر سے لاک ڈاؤن ہٹا لیا گیا ہے تاہم مضافات میں صبح 7 بجے سے شام 5 بجے تک ہی کاروبار کی اجازت رہے گی۔

ضلع کلکٹر کے مطابق شہر اَن لاک ضرور ہوا ہے لیکن شہریان کو سماجی فاصلے اور کورونا گائیڈ لائنز پر عمل کرنا ہوگا۔

دوسری جانب کاروبار شروع ہونے سے بیوپاریوں نے راحت کی سانس لی ہے تاہم قرض کے بوجھ سے بیوپاری پریشان ہیں۔