جب ایم ایل اے ہی خود پانی نکالنے کے لیے نکل پڑے سڑکوں پر

گذشتہ رات سے ہی موسلا دھار بارش ہورہی ہے۔ جس کی وجہ سے ممبئی کے نشیبی علاقوں میں پانی جمع ہو رہا ہے۔ ان علاقوں میں پانی کم کرنے کیلئے بی ایم سی کے ملازم نہیں ہیں اور پمپنگ اسٹیشن بھی بند ہیں۔  اسلئے مقامی ایم ایل اے تمل سیلون نے ہے یہاں سے پانی نکالنے کا کام شروع کر دیا۔

سیلون کا کہنا ہے کہ محکمہ سویا ہوا ہے اور ہم ان کے جاگنے کا انتظار نہیں کر سکتے۔ پانی بہت زیادہ ہے، اسلئے ہمیں خود سڑکوں پر اترنا پڑا۔

ممبئی میں متعدد جگہوں پر پانی جمع ہے، پانی نکالنے کے لیے محکمہ بی ایم سی کے پمپنگ اسٹیشن جہاں لگائے گئے ہیں، وہ بند ہیں۔

وہیں نشیبی علاقوں میں جہاں میونسپل ملازمین کی عدم حاضری کی وجہ سے مقامی لوگوں کو بڑی مشکلات کا سامنا کرنا پڑ رہا ہے، حالانکہ محکمہ بی ایم سی اس طرح کے پمپنگ اسٹیشن بنانے کے لئے کروڑوں روپیہ خرچ کرتی ہے، لیکن تیز بارش اور پانی زیادہ ہونے کی وجہ سے خود محکمہ بی ایم سی کے ملازمین کے نہیں پہنچنے کے سبب عوام کو اپنی مدد آپ کرنی ہوتی ہے۔