Mumbai's Famous J J Jalebi: خاص ذائقہ کے لیے مشہور ممبئی کی جے جے جلیبی

ممبئی کی مشہور جے جے جلیبی Mumbai's famous JJ Jalebi ملک بھر میں مشہور ہے۔ یہاں کی جلیبی کی مانگ ملک کے ساتھ ساتھ دیگر ممالک میں بھی ہے۔ ممبئی کی مشہور جے جے جلیبی کی شہرت اور مانگ تقریباً 75 برسوں سے نہ صرف قائم ہے بلکہ بڑھتی ہی جا رہی ہے۔ کیا آپ جے جے جلیبی کی کامیابی کا راز جانتے ہیں؟ JJ Jalebi at Mohammad Ali Road

ای ٹی وی بھارت نے ممبئی کی جے جے جلیبی کے مالک اقبال شیخ سے بات کی تو انہوں نے بتایا کہ اس جلیبی کو بنانے کے لیے جن اشیاء کا استعمال کیا جاتا ہے وہ کسی اور کو نہیں پتہ ہے۔ اس راز کو پوشیدہ رکھنے کے سبب ہی جے جے جلیبی نہ صرف ممبئی بھر میں مقبول ہے بلکہ دوسرے ممالک میں بھی اسے پسند کیا جاتا ہے۔

یہ مشہور دکان مولانا شوکت علی روڈ کے اطراف میں بسے علاقے میں موجود ہے۔ دراصل اس دکان کا نام نیو محمدی سویٹ میٹ مارٹ تھا لیکن یہاں کی جلیبی کو لوگوں نے کافی پسند کیا۔ رفتہ رفتہ جے جے جلیبی کے نام سے یہ دکان مشہرو ہوگئی۔

اقبال شیخ کہتے ہیں کہ یہ ان کی چوتھی نسل ہے، جو اس کاوربار سے وابستہ ہے۔ انہیں اس بات کی خوشی ہے کہ 1947 میں ان کے والد کے ذریعه شروع کیا گیا یہ کاروبار آج بھی ویسا ہی ہے، جیسا ان کے والد نے سوچا تھا۔

اقبال شیخ کی اہلیہ رابعہ شیخ (سابق کارپوریٹر) نے کہا کہ جے جے جلیبی نہ صرف یہاں بلکہ بیرون ممالک میں بھی پسند کی جاتی ہے۔ خلیجی ممالک میں لوگ پارسل لے کر جاتے ہیں۔ رمضان کے دنوں میں یہاں ہجوم رہتا ہے۔

وہیں انہوں نے بتایا کہ جلیبی پسند کرنے والوں میں خاصی تعداد غیر مسلمانوں کی ہے۔ یہ صرف اور صرف کوالٹی کی بات ہے کیونکہ جلیبی تو ممبئی میں متعد جگہوں پر بنائی جاتی ہے لیکن جے جے جلیبی ان سب میں منفرد ہے۔

واضح رہے کہ پہلے یہ دکان جے جے ہسپتال سگنل پر تھی لیکن علاقے کی از سر نو تعمیر ہونے کے سبب یہاں سے دکان کو منتقل کرنا پڑا، باوجود اس کے جلیبی کھانے کے شوقین دور دراز سے یہاں آتے ہیں۔

در اصل جے جے جلیبی کی کامیابی کا راز اس کے اجزا یعنی اس میں استعمال ہونے والی اشیا میں چھپا ہے اور اس دکان کے مالک اقبال شیخ اس راز کو راز ہی رکھنا چاہتے ہیں تاکہ آگے بھی ان کے کاروبار کی آب و تاب برقرار رہے۔