کملیش تیواری قتل معاملہ: ملزم ناگپور میں گرفتار

چند روز قبل ریاست اتر پردیش کے دارالحکومت لکھنئو میں ہندو سماج پارٹی کے رہنما کملیش تیواری کا بے رحمی سے قتل کر دیا گیا تھا جبکہ پولیس نے ناگپور سے ملزم کو گرفتار کر لیا ہے۔

کملیش تیواری کے قتل کے سنسنی خیز واقعہ میں یو پی پولس اور گجرات اے ٹی ایس نے کئی مشتبہ افراد کو گرفتار کیا تھا جبکہ اب مہاراشٹر اے ٹی ایس نے ناگپور کے جھنگابائی ٹاکلی کے رہنے والے سید عاصم علی نامی 29 سالہ نوجوان کو حراست میں لیا ہے۔
تفصیلات کے مطابق مہاراشٹر اے ٹی ایس گزشتہ کئی روز سے سید عاصم علی کو تلاش کر رہی تھی اور سراغ ملتے ہی مار کر اسے حراست میں لے لیا۔
اے ٹی ایس کے مطابق سید عاصم علی سے ہر زاویہ سے پوچھ تاچھ کی گئی نیز دوران تفتیش یہ واضح ہوا کہ سید عاصم علی، کملیش تیواری قتل کیس میں ملوث دیگر ملزمین کے مسلسل رابطے میں تھا جبکہ اے ٹی ایس کا دعوی ہے کہ ناگپور سے گرفتار سید عاصم علی نے کملیش تیواری کے قتل میں اہم کردار ادا کیا تھا۔