شیواجی مہاراج پر متنازع کتاب، بی جے پی کی وضاحت

بی جے پی رہنما بھگوان گوئل کی وزیراعظم نریندرمودی کے سلسلے میں لکھی گئی کتاب 'آج کے شیواجی، نریندرمودی' کے عنوان سے شائع ہوئی ہے جس پر تنازع پیدا ہوگیا ہے۔

وہیں مرکزی وزیر پرکاش جاویڈکر نے کہا کہ 'چھتر پتی شیواجی مہاراج ایک عظیم ترین شخص تھے اور ان کا کوئی موازنہ نہیں ہو سکتا ہے۔'

پرکاش جاویڈکر نے کہا کہ 'چھترپتی شیواجی مہاراج نہ صرف ایک عظیم جنگجو تھے بلکہ انتہائی انوکھے معیار کے سیاست دان بھی تھے لہذا ، دنیا بھر کے لوگ شیواجی مہاراج کو ایک عظیم ترین رہنما مانتے ہیں۔ ہم ہمیشہ کہتے ہیں کہ وہ بے مثال ہے۔'

بی جے پی رہنما بھگوان گوئل کی وزیر اعظم نریندر مودی پر لکھی گئی کتاب'آج کے شیواجی، نریندر مودی' کے عنوان سے شائع ہونے کے بعد تنازع پیدا ہوگیا، ہر طرف اس کی مخالفت کی جارہی ہے۔

مہاراشٹر کے متعدد اضلاع میں شیوسینا نے اس پر اعتراض ظاہر کرتے ہوئے احتجاجی مظاہرہ کیا۔

جاویڈکر نے کہا کہ 'جے بھگوان گوئل نے چھترپتی شیواجی مہاراج کا موازنہ کرتے ہوئے ایک کتاب لکھی ، جس کا بی جے پی سے کوئی لینا دینا نہیں ہے۔ ہمیں کبھی معلوم نہیں تھا کہ وہ کیا لکھ رہے ہیں یا شائع کر رہے ہیں۔'

انہوں نے مزید کہا کہ 'تاہم یہ شائع ہوتے ہی ہم نے اعتراض کیا اور وہ (گوئل) آج دفتر آئے اور بھارت ، دنیا اور خاص طور پر مہاراشٹر کے لوگوں سے معافی مانگی'۔

جاوڈیکر نے کہا کہ 'گوئل نے کتاب بھی واپس لے لی ہے۔'

کانگریس ، نیشنلسٹ کانگریس پارٹی (این سی پی) اور شیوسینا کے رہنماؤں نے اس کتاب پر تنقید کی تھی اور اسے چھترپتی شیواجی کے نظریات کی 'توہین' قرار دیا تھا۔