مہاراشٹر: امراوتی میں جنتا کرفیو کا اعلان

مہاراشٹر کے ضلع امراوتی کے کلکٹر شیلیش نوَل نے کورونا وائرس کے بڑھتے معاملات کے پیش نظر آئندہ اتوار کو جنتا کرفیو کا اعلان کیا ہے۔

امراوتی میں جنتا کرفیو کا اعلان کرتے ہوئے ضلع کلکٹر نے کہا کہ آئندہ اتوار کو صرف ضروری خدمات ہی جاری رہیں گی جبکہ پورے ضلع میں مکمل طور پر کرفیو ہوگا۔

امراوتی کے کلکٹر شیلیش نوال نے مزید کہا کہ ایک دن کا یہ لاک ڈاؤن سنیچر کی رات 8 بجے سے پیر کی صبح تک رہے گا۔

واضح رہے کہ مہاراشٹر میں ایک بار پھر سے کورونا معاملات میں اضافہ دیکھا جا رہا ہے اس لیے حکومت نے یہ فیصلہ لیا ہے۔