65 برس کی بھارتی خاتون حسینہ بیگم 18 سال بعد پاکستان سے واپس آئی ہیں۔ حسینہ بیگم منگل کے روز بھارت پہنچیں۔
تفصیلات کے مطابق مذکورہ خاتون 18 برس قبل اپنے شوہر کے رشتہ داروں سے ملنے کے لیے پاکستان گئی تھیں، مگر پاکستان جانے کے بعد وہ اپنا پاسپورٹ کھو بیٹھی جس کے بعد انھیں پاکستانی جیل میں رکھا گیا۔
خاتون نے کہا کہ انھیں زبردستی جیل میں رکھا گیا اور ان کے ساتھ وہاں ظلم ہوا۔ مذکورہ خاتون نے کہا کہ وہ اپنے ملک واپس آکر سکون محسوس کررہی ہیں۔ اور انھیں ایسا لگ رہا ہے وہ جنت میں آگئی ہیں۔
اس موقع پر انھوں نے اورنگ آباد پولیس کا شکریہ ادا کیا جنھوں نے ان کی پاکستان سے رہائی میں مدد کی۔ اورنگ آباد پولیس نے پاکستانی حکام کو یہ اطلاع دی تھی کہ مذکورہ خاتون کا اورنگ آباد کے راشد پورہ سےتعلق ہے اور ان کے نام یہاں ایک گھر بھی رجسٹرد ہے۔
اس موقع پر خاتون کے بھانجے نے اپنی خالہ کی واپسی پر اللہ کا شکر ادا کیا اور اورنگ آباد پولیس کا شکریہ ادا کیا۔
