ممبئی میں 90 بیڈز کے اسپتال کا افتتاح

ممبئی میں کورونا کے متاثرین کی تعداد میں اضافہ ہو رہا ہے۔ وہیں جین انٹرنیشنل ٹریڈ آرگنائزیشن نے ممبئی سینٹرل علاقے میں 90 بیڈز کے اسپتال کا افتتاح کیا ہے۔

بی ایم سی کی اسکول کو اسپتال میں تبدیل کر دیا گیا ہے کیونکہ اس علاقے میں گنجان آبادی ہونے کی وجہ سے مریضوں کی تعداد زیادہ ہے اور اسپتالوں میں بیڈ کی تعداد کم ہے۔

حالانکہ یہ ممبئی کے مریضوں کے لیے ناکافی ہے لیکن اس کوشش کے بعد ممبئی میں کورونا مریضوں کو علاج کے لیے آسانی ہوگی۔

اسپتال میں کورونا مریضوں کو آئی سی یو کی بھی خدمات ملیں گی۔ ساتھ میں مریضوں کو جو دواؤں کی ضرورت ہوگی وہ دوائیں بھی انہیں ملے گی۔

اس اسپتال میں علاج مفت ہے لیکن کورونا مریضوں کے ایڈمٹ ہوتے ہی ان سے پانچ ہزار روپے بطور ڈپازٹ جمع کر لیا جاتا ہے جو کہ علاج کے بعد جب مریض صحتیاب ہوجائیں گے انہیں وہ رقم واپس کر دی جائیں گی۔