Aurangabad Name Change اورنگ آباد کا نام تبدیل کرنے کے خلاف تیسرے دن بھی امتیاز جلیل کی بھوک ہڑتال جاری

اورنگ آباد ضلع کا نام تبدیل کرنے کے خلاف کلکٹر کے دفتر کے سامنے رکن پارلیمان امتیاز جلیل کی بھوک ہڑتال آج تیسرے روز بھی جاری ہے۔ اس بھوک ہڑتال میں نوجوانوں کی بڑی تعداد شامل ہے۔ hunger strike over renaming of Aurangabad

اورنگ آباد: ریاست مہاراشٹر کے اورنگ آباد ضلع کا نام بدل کر چھترپتی سنبھاجی نگر کرنے کے خلاف کلکٹر کے دفتر کے سامنے آل انڈیا مجلس اتحاد المسلمین کے رکن پارلیمان امتیاز جلیل کی بھوک ہڑتال جاری ہے۔ ریاستی حکومت کے اس فیصلے کے خلاف بھوک ہڑتال کا آج تیسرا دن ہے۔ اورنگ آباد کا نام تبدیل کرنے کے خلاف کریتی سمیتی کی جانب سے بھوک ہڑتال کی جارہی ہے۔ آل انڈیا مجلس اتحاد المسلمین (اے آئی ایم آئی ایم) کے رکن پارلیمنٹ امتیاز جلیل نے بھی اس بھوک ہڑتال کی حمایت کی ہے۔ امتیاز جلیل پچھلے تین دنوں سے بھوک ہڑتال میں شریک نظر آرہے ہیں۔ خاص بات یہ ہے کہ اس بھوک ہڑتال میں نوجوانوں کی بڑی بھیڑ دیکھی جارہی ہے۔ مختلف تنظیموں نے تعاون کے ساتھ اس مقام پر اپنی موجودگی درج کرائی ہے۔

ایک طرف جہاں اورنگ آباد کا نام بدلنے کے خلاف بھوک ہڑتال جاری ہے، وہیں بھوک ہڑتال کے خلاف احتاج بھی ہورہے ہیں۔ مہاراشٹر نونرمان سینا (ایم این ایس)، شیو سینا (شندے گروپ)، سکل ہندو ایگریگیشن کمیٹی، مراٹھا کرانتی مورچہ کے کوآرڈینیٹر اور بھارتیہ جنتا پارٹی (بی جے پی) نے بھوک ہڑتال کی مخالفت کی ہے۔ بی جے پی نے اس کے خلاف احتجاج کا انتباہ دیا ہے۔ اس لیے نام تبدیل کرنے کے معاملے پر مستقبل میں سیاسی ماحول گرم ہونے کا امکان ہے۔ واضح رہے کہ اورنگ آباد اور عثمان آباد کا نام تبدیل کر دیا گیا ہے۔ اب اورنگ آباد کو 'چھترپتی سمبھاجی نگر' اور عثمان آباد کو 'دھاراشیو' کے نام سے جانا جائے گا۔

یو این آئی