اورنگ آباد میں بھارت بند کا ملا جلا اثر

مہاراشٹر کے ضلع اورنگ آباد میں بھارت بند کا ملا جلا اثر دیکھنے کو ملا۔ اورنگ آباد ضلع میں ویاپاری مہاسنگھ کی جانب سے بھارت بند میں بیشتر تنظیموں نے اپنے کاروبار بند رکھے اور جی ایس ٹی کی مخالفت کی۔

مہاراشٹر کے ضلع اورنگ آباد میں آل انڈیا ٹریڈرس بھی بھارت بند میں شامل ہوا۔ بھارت بند کے تحت اورنگ آباد شہر کی سبھی دکانیں بند رہیں۔

غور طلب ہے کہ ملک میں جی ایس ٹی کے خلاف 70 سے زائد تنظیموں نے بند کی حمایت کی تھی۔ مرکزی حکومت کی جی ایس ٹی پالیسیوں کے خلاف کانفڈریشن آف آل انڈیا ٹریڈرس نے بھارت بند کی کال دی تھی۔

اورنگ آباد ضلع ویاپاری مہاسنگھ کے صدر جگر ناتھ کالے کا کہنا ہے کہ جی ایس ٹی کے ذریعہ نئے قوانین لائے جا رہے ہیں، جس سے تاجروں کا رجسٹریشن خارج ہونے کا امکان ہے۔ اس سے انہیں مستقبل میں پریشانی ہو سکتی ہے۔

ان تمام باتوں پر مرکزی حکومت کے جی ایس ٹی قوانین کی مخالفت کی گئی اور بھارت بند کیا گیا۔