ٹھیکیداروں کی بھوک ہڑتال

ریاست مہاراشٹر کے معروف شہر اورنگ آباد کے میونسپل کارپوریشن کے ٹھیکیداروں کو کاموں کا بل ادا نہیں کیا گیا۔

اورنگ آباد میونسپل کارپوریشن کے تقریبا دیڑھ سو سے زائد ٹھیکیداروں کو گذشتہ برس سے ان کے کاموں کا بل نہیں دیا گیا ہے۔ جس کی وجہ سے ٹھیکیدار بھوک ہڑتال پر بیٹھے ہوئے ہیں۔

ٹھیکیداروں کا کہنا ہےکہ سو روپے سے لے کر پندرہ لاکھ روپے تک کا بل روکا ہوا ہیں۔

اس سلسلے میں اورنگ آباد میونسپل کارپوریشن کے کمشنر ڈاکٹر نپون وینایک نے ہڑتال پر بیٹھے ٹھیکیداروں سے ملاقات کی اور انہیں یقین دلایا کے مرحلہ وار ٹھیکیداروں کے بل ادا کیے جائیں گے تاہم ٹھیکیداروں کا کہنا ہے کہ جب تک ان کی بل میونسپل انتظامیہ ادا نہیں کرتا تب تک وہ ہڑتال ختم نہیں کریں گے۔