Hijab Awareness Campaign in Aurangabad: اورنگ آباد میں حجاب کے تعلق سے بیداری مہم کا آغاز

ریاست مہاراشٹر کے اورنگ آباد میں حجاب کے تعلق سے مسلمانوں میں بیداری پیدا کرنے اور قرآن کریم کی آیات کی روشنی میں حجاب کی اہمیت و افادیت کو اجاگر کرنے کے مقصد سے حجاب انعامی مقابلہ رکھا جا رہا ہے۔ اس مقابلے میں پچاس اسلامک سوالات رہیں گے، اس مقابلے میں پہلا انعام ایک لاکھ روپیہ، دوسرا انعام پچاس ہزار روپیہ اور تیسرا انعام پچیس روپے رکھا گیا ہے۔ Hijab Awareness Campaign Launched in Aurangabad

اورنگ آباد: حجاب کے تعلق سے مسلمانوں میں بیداری پیدا کرنے اور قرآن کریم کی آیات کی روشنی میں حجاب کی اہمیت و افادیت کو اجاگر کرنے کے مقصد سے اورنگ آباد میں شعور عفت و حجاب مہم کا آغاز کیا گیا ہے۔ اس مہم کے تحت حجاب انعامی مقابلے کا اہتمام بھی کیا جارہا ہے۔ مہم کے ذمہ داروں کا کہنا ہے کہ انعامی مقابلے میں تمام طلبا وطالبات شرکت کرسکتے ہیں، جس میں پہلا انعام ایک لاکھ روپے رکھا گیا ہے، ایک مہینے تک اس مقابلے میں شرکت کی جاسکتی ہے۔

رشید صدیقی نے کہا الحیاء حجاب انعامی مقابلہ Alhaya Hijab Prize Contest رکھا گیا ہے، جس میں اللہ اور اس کے رسول کے احکامات کیا ہے؟ اس مقابلے کو پچاس سوالات کی شکل میں تیار کیا گیا ہے جس سے مسلم کمیونٹی کے اندر ایک بیداری ہو اور اللہ اور اس کے رسول کے احکامات کی پیروی ہو اسی مقصد کے لیے الحیاء حجاب مقابلہ رکھا گیا، جس میں اول انعام ایک لاکھ روپیہ دوسرا انعام پچاس ہزار روپیہ اور تیسرا انعام پچیس روپے رکھا گیا ہے، یہ سارے انعام کے پیسے ''شہید مسجد'' کے لیے استعمال کیے جائیں گے جو اورنگ آباد وقف بورڈ دفتر کے پیچھے ہیں۔

Hijab Awareness Campaign Launched in Aurangabad

فاروق احمد نے کہا کہ کرناٹک میں اسکول اور کالج میں حجاب پر پابندی عائد کی گئی ہے اور یہ معاملہ عدالت تک چل گیا۔ ہماری طرف سے اچھی پیروی نہیں کی گئی ہے. قرآن میں بھی پردے کا ذکر ہے کہ کس طرح سے پردہ کیا جائے ہم لوگوں میں حجاب کی معلومات زیادہ سے زیادہ پہنچے اسی لیے یہ مقابلہ رکھا گیا۔ اس مقابلے کی آخری تاریخ 15 جون رکھی گئی ہے۔