سیاحتی مقام مہابلیشور کی رونقیں؟

گرمی کی شدت سے پریشان لوگ سکون کے لیے مہابلیشور کا رخ کرتے ہیں، عوام کے لیے سیر و تفریح کا یہ بہترین مقام ہے۔

ممبئی سے تقریبا ڈھائی سو کلومیٹر کے فاصلے پر بسا مہابلیشور اپنی خوبصورت پہاڑیوں اور خشگوار موسم کے لیے معروف ہے۔ یہاں سیر و تفریح کے لیے بہت سے مقامات ہیں لیکن وینا جھیل کی خوبصورتی کی کشش سیاحوں کو یہاں آنے پر مجبور کر کرتی ہے۔

باد سحر اور شام کے پر لطف جھونکے کے درمیان سیاح اس جھیل میں بوٹنگ کا لطف اٹھاتے ہیں۔ شام کے وقت یہاں کا درجہ حرارت 18 ڈگری سیلسئس کے آس پاس رہتا ہے جو سیاحوں کے لیے کسی نعمت سے کم نہیں۔

سیاح جھیل کے پاس ہی گھڑ سواری کا لطف اٹھانے کے لیے بھی طویل مسافت طے کر کے یھاں پہچنتے ہیں۔ اسی وجہ سے یہاں کثیر تعداد میں لوگ چھٹیاں منانے آتے ہیں۔

مہابلیشور کے کوہستانی خطہ ہونے کی وجہ سے سطح سمندر سے 4439 فٹ کی اونچائی پر واقع ہے یہاں کی آبادی تقریبا 13 ہزار ہے۔

یہاں کے لوگوں کی روزی روٹی کا سب سے بڑا ذریعہ سیاحت ہی ہے او یہاں پر اسٹرابیری اور شہتوت کی کھیتی بڑے پیمانے پر کی جاتی ہے جو اس جگہ سے پورے ملک میں برآمد کی جاتی ہے۔