اورنگ آباد: عازمین حج اپنے پاسپورٹ حج کمیٹی سے حاصل کریں

ریاست مہاراشٹر کے شہر اورنگ آباد کے عازمین حج اپنے پاسپورٹ 'خدماتِ حجاج کمیٹی' سے واپس حاصل کر سکتے ہیں۔

کورونا وبا کے سبب امسال بھارت سے کوئی فرد حج کے لیے نہیں جا سکا۔ جس میں اورنگ آباد کے افراد بھی شامل تھے۔ اورنگ آباد میں آٹھ سو سے زائد عازمین کے پاسپورٹ ممبئی دفتر میں جمع تھے۔

اب حج 2020 کے فریضہ حج سے محروم عازمین حج کے پاسپورٹ مہاراشٹر کے اورنگ آباد پہنچ گئے ہیں جو 'خدماتِ حجاج کمیٹی' کے دفتر سے حاصل کیے جاسکتے ہیں۔

اورنگ آباد: عازمین حج اپنے پاسپورٹ حج کمیٹی سے حاصل کریں

اس بات کی جانکاری کمیٹی کے صدر مولانا نسیم الدین مفتاحی نے دی۔ انھوں نے بتایا کہ ممبئی کے صدر دفتر سے حج کمیٹی کے ذمہ داران نے پاسپورٹ حاصل کرلیے ہیں وہ اب اورنگ آباد میں واقع خدماتِ حجاج کمیٹی کے دفتر سے حاصل کیے جاسکتے ہیں۔