ہافکن انسٹی ٹیوٹ کو کوویکسین تیار کرنے کی اجازت

مہاراسٹر کے وزیر اعلی ادھوو ٹھاکرے کے درخواست پر مرکزی حکومت نے ہافکن انسٹی ٹیوٹ کو کوویکسین تیار کرنے کی اجازت دے دی ہے۔

کورونا وائرس کے معاملے میں تیزی سے ہورہے اضافے کے سبب مرکزی حکومت نے ہافکن انسٹی ٹیوٹ کو بھارت بائیوٹیک کے اینٹی کورونا وائرس ویکسین تیار کرنے کی منظوری دے دی ہے۔

اطلاعات کے مطابق چیف منسٹر آفس (سی ایم او) کے ایک عہدیدار نے بتایا کہ مہاراشٹرا کے وزیر اعلی ادھو ٹھاکرے نے گذشتہ دنوں مرکز سے ہافکن انسٹی ٹیوٹ کو کوویکسین تیار کرنے کی اجازت دینے کی درخواست کی تھی۔ بعد ازاں اب مرکز نے اس کی اجازت دے دی ہے۔

واضح رہے کہ اس وقت یہ ویکسین حیدرآباد میں بھارت بائیوٹیک کی جانب سے تیار کی جا رہی ہے۔