Felicitation of Bushra Mateen: باحجاب گولڈ میڈلسٹ بشریٰ متین کے اعزاز میں تہنیتی پروگرام

اورنگ آباد میں وحدت اسلامی ہند کی جانب سے ایک تہنیتی پروگرام منعقد کیا گیا جس میں کرناٹک کے رائچور سے تعلق رکھنے والی باحجاب گولڈ میڈلسٹ طالبہ بشریٰ متین نے بطور مہمان خصوصی شریک ہوئیں، اس پروگرام میں 80 سے زائد طلباء کو ایوارڈ سے نوازا گیا۔ Bushra Mateen Honored by wahdat e islami hind

اورنگ آباد:اورنگ آباد میں وحدت اسلامی ہند کی جانب سے منعقد تہنیتی پروگرام میں طلباء کی حوصلہ افزائی اور مستقبل کی راہ کا تعین کیسے کیا جائے، اس سلسلے میں ان کی رہنمائی کی گئی، اس پروگرام میں ماہرین تعلیم اور مختلف شعبوں کے ایکسپرٹ کے علاوہ کرناٹک کی ہونہار باحجاب گولڈ میڈلسٹ طالبہ سِول انجنیئر بشری متین نے خطاب کیا۔ بشریٰ متین نے سِول انجینئرنگ میں 16 گولڈ میڈل حاصل کرکے ایک نئی تاریخ رقم کی ہے۔

اس تہنیتی پروگرام میں بشریٰ متین کے علاوہ 80 سے زائد ہونہار طلباء کو اعزازات سے نوازا گیا، اس موقع پر مقررین نے تعلیم کے ساتھ اخلاقی تربیت پر زور دیا، ماہرین کا کہنا ہے کہ تعلیم کے ساتھ بہتر تربیت نہایت ضروری ہے اس کے بغیر ہم ایک صالح معاشرے کا تصور نہیں کرسکتے، مسابقتی دوڑ میں کڑی محنت کو کامیابی کی کنجی قرار دیا گیا ۔

گولڈ میڈلسٹ بشریٰ متین نے اپنی تعلیمی سرگرمیوں سے متعلق کووڈ کے دور میں بھی کتابوں اور جدید ٹیکنالوجی کی مدد سے کامیابی، پر تفصیلی روشنی ڈالی، بشریٰ متین نے والدین کو طلباء کا حقیقی رول ماڈل قرار دیتے ہوئے کہا کہ والدین کی ذرا سی حوصلہ افزائی بچوں کے لیے بڑی معنی رکھتی ہیں، بشری مستقبل میں سِول سروسیز میں کریئر بنانا چاہتی ہیں۔