اورنگ آباد: غریب لوگوں تک سحری اور افطار کے لیے کھانے کا نظم

کورونا وائرس کی روک تھام کے لیے ملک میں نافذ لاک ڈاؤن سے یومیہ مزدوروں کو بہت پریشانیوں کا سامنا کرنا پڑ رہا ہے۔ ان کے سامنے روزی روٹی کے مشکل حالات پیدا ہو گئے ہیں۔ ایسے مشکل حالات میں گلوبل فاؤنڈیشن ان غریب مزدوروں کی مدد کر رہی ہے۔

لاک ڈاؤن کے دوران سب سے زیادہ کوئی متاثرہ ہوا ہے تو وہ ہیں اورنگ آباد شہر کے مضافاتی علاقوں میں رہنے والے لوگ خاص کر پڑے گاؤں، مِٹمِٹا، دولت آباد اورہرسول، بیری باغ، جہانگیر کالونی ان بستیوں کے لوگوں کا تمام تر دارومدار شہر پر تھا۔

محنت، مزدوری کرنے والے اور ہنر مند لوگ شہر میں کام دھندا کرکے اپنا گزارا کرتے تھے، لیکن لاک ڈاؤن نے ان کی کمر توڑ کر رکھ دی۔

ایسے میں گلوبل فاؤنڈیشن اور دیگر تنظیموں نے ان علاقوں کی کفالت کا ذمہ اٹھایا، فاؤنڈیشن کے ذمہ داروں کا دعویٰ ہے کہ وہ پہلے دن سے متاثرہ علاقوں میں کھانا پہنچارہے ہیں اور ہزاروں افراد کی بھوک مٹانے کی کوشش کی جارہی ہے۔

رمضان کی مناسبت سے سحر اور افطار کا اہتمام کیا جارہا ہے۔