Tailoring Course For Ladies ٹیلرنگ اور فیشن ڈیزائننگ کورس کی مفت تربیت

ریاست مہاراشٹر کے اورنگ آباد میں دعا فاؤنڈیشنن کے ذریعہ لیڈیز ٹیلرنگ اور فیشن ڈیزائننگ کورس کی مفت میں تربیت دی جاتی ہے، جس میں سب ہی مذہب کی خواتین کو مفت میں کورس سکھائے جاتے ہیں ساتھ ہی کورس مکمل ہونے کے بعد خواتین میں مفت سلائی مشین بھی تقسیم کی جاتی ہے تاکہ وہ با اختیار اور خود مختارہو سکے۔Dua Foundation

اورنگ آباد:رکن پارلیمنٹ سید امتیاز جلیل کی اہلیہ رومی فاطمہ دعا فاؤنڈیشن کے ذریعہ خواتین کو با اختیار بنانے کے لیے مختلف ہنر مندی کی تربیت دینے پر زور دیتی ہیں، اورپسماندہ، غریب کو روزگار فراہم کرنے کے لیے انتھک محنت کر رہی ہیں۔ اس کے لیے تمام برادریوں کی ضرورت مند خواتین اور لڑکیوں دعا فاؤنڈیشن کے ذریعے سلائی سیکھ کر محنت سے خاندان کی دیکھ بھال اور مختلف مالی مسائل کو حل کر رہی ہیں۔

دعا فاونڈیشن کی جانب سے پسماندہ تعلیم یافتہ بے روزگار خواتین اور لڑکیوں کو حکومت کی اسکیموں کے بارے میں جانکاری دے کر رہنمائی کی جاتی ہے- رومی فاطمہ نے خواتین کو بااختیار اور ان کی مجموعی ترقی پر زور دیا ہے۔ اب تک ہزاروں خواتین اور لڑکیوں کو مختلف قسم کی پیشہ ورانہ تربیت دے کر روزگار اور خود روزگار کے مواقع فراہم کیے جا چکے ہیں۔ دعا فاؤنڈیشن کے تحت پسماندہ غریب اور ضرورت مند خواتین و لڑکیوں کو ٹیلرنگ اور فیشن ڈیزائننگ کی مفت تربیت دی جاتی ہے اور انہیں مفت سلائی مشین بھی دی جاتی ہے۔

لیڈیز ٹیلرنگ اور فیشن ڈیزائننگ کورس کی مفت تربیت کے لیے رجسٹریشن 09 سے 20 جنوری 2023 تک جاری رہیں گے مفت تربیت کے لیے دلچسپی رکھنے والے لڑکیاں اور خواتین دعا بینک، نزد کلکٹر آفس، دہلی گیٹ ، اورنگ آباد میں دوپہر 2 بجے سے شام 4 بجے کے درمیان رجسٹر کر سکتے ہیں۔

رجسٹریشن کے وقت پاسپورٹ سائز کی 2 تصاویر، 10 ویں پاس کا سرٹیفکیٹ اور آدھار کارڈ کا زیراکس اپنے ساتھ لائیں۔ رومی فاطمہ نے زیادہ سے زیادہ خواتین اور لڑکیوں سے اپیل کی ہے کہ وہ اس سنہری موقع سے فائدہ اٹھائیں۔