اورنگ آباد میں آنکھوں کا مفت جانچ کیمپ

اورنگ آباد میں واقع سلم علاقہ کیراڈ پورہ میں کانگریس پارٹی کی جانب ایک آنکھ جانچ کیمپ کا اہتمام کیا گیا جس میں غریب اور بے سہاروں کے درمیان مفت چشمہ تقسیم کیا گیا۔

مہاراشٹر کے اورنگ آباد شہر میں واقع کیراڈ پورہ میں کانگریس پارٹی کے رہنما ابراہیم پٹیل کی جانب سے آنکھوں کے مفت جانچ کیمپ کا اہتمام کیا گیا جس میں غریب اور بے سہاروں کے درمیان مفت چشمہ تقسیم کیا گیا۔

اس کیمپ کا افتتاح کانگریس کے ریاستی نائب صدر ایم ایم شیخ نے کیا، کیمپ میں سلم علاقوں کے پانچ سو سے زائد افراد کی آنکھوں کی جانچ کی گئی اور 370 افراد کو مفت میں چشمہ فراہم کیا گیا۔

اس تعلق سے کانگریس کے رہنما ابراہیم پٹیل نے بتایا کہ کورونا وبا کی وجہ سے لوگ آنکھوں کی بیماری سے پریشان تھے جس کو دیکھتے ہوئے اس کیمپ کا اہتمام سلم بستیوں میں رہنے والے غریب اور ضرورت مندوں کے لئے کیا گیا۔

انہوں نے کہا کہ اورنگ آباد کے دیگر علاقوں میں اب اس طرح کے آنکھوں کی جانچ کے لئے کیمپ کا اہتمام کیا جائے گا جس سے غریب اور ضرورت مندوں کو فائدہ ہوگا۔