ریاست مہاراشٹر کے اورنگ آباد میں واقع سرکاری اسپتال گھاٹی میں زیر علاج ایک مریض کے رشتے دار کی پٹائی ہسپتال میں تعینات سکیورٹی گارڈز نے کر دی، جس کا ویڈیو تیزی سے سوشل میڈیا پر وائرل ہو گیا۔ اس معاملے کی اطلاع ہسپتال انتظامیہ کو ملنے کے بعد انتظامیہ نے معاملے میں ملوث سبھی سکیورٹی گارڈز کومعطل کردیا ۔
اس تعلق سے مریض کے رشتہ دار اور سکیورٹی گارڈز کے درمیان بحث ہونے لگی معاملہ اتنا بڑھ گیا کہ سیکیورٹی گارڈز نے مریض کے رشتے دار کی پٹائی کر کے اسے رسیوں سے باندھ دیا جس کا ویڈیو تیزی سے سوشل میڈیا پر وائرل ہوگیا۔ پٹائی کا ویڈیو وائرل ہوتے ہی سیاسی رہنما فوری طور پر گھاٹی اسپتال پہنچ کر میڈیکل سپریٹنڈنٹ، سے سیکیورٹی گارڈز کے خلاف فوری کاروائی کرنے کا مطالبہ کرنے لگے۔
جس کے بعد گھاٹی اسپتال انتظامیہ نے فوری طور پر ایکشن لیتے ہوئے مارپیٹ میں ملوث چارو سیکوریٹی گارڈز کو معطل کر دیا۔