اس سے قبل پونے ضلع میں فوج کی بھرتی ریکیٹ چلانے کے الزام میں فوج کے دو سابق اہلکاروں سمیت تین افراد کو گرفتار کیا گیا تھا۔ ملزمین کی شناخت کشور گیری، بھرت، یوگیش گوسوائی اور مادھو گیتے کے نام سے ہوئی ہے۔
پونے پولیس ، انڈین آرمی اور کرائم برانچ یونٹ کے ملٹری انٹلیجنس کے عہدیداروں نے ایک مشترکہ کارروائی میں فوج میں بھرتی پیپر لیک معاملے کے سلسلے میں مزید پانچ افراد کو گرفتار کیا ہے اور ایک اور ایف آئی آر درج کی ہے۔
ابھی تک آٹھ ملزمین کو پیپر لیک کرنے کے معاملے میں گرفتار کیا گیا ہے۔ اور پونے سٹی پولیس میں دو مختلف ایف آئی آر درج کی جاچکی ہیں۔ حکام کو اس معاملے میں مزید ملزمین کے ملوث ہونے کا شبہ ہے اور اس معاملے میں مزید گرفتاریوں کا امکان ہے۔ اس سے قبل آرمی نے اس لیک کے بعد امتحان ملتوی کرنے کا اعلان کیا تھا۔
پولیس کو موصولہ شکایت کے مطابق ملزم 28 فروری کو پونے میں منعقد ہونے والے بھارتی فوج بھرتی امتحانات کے پیپر لیک کرنے والے تھے۔
پولیس نے کہا کہ ملزمین نے فوج میں بھرتی ہونے کا وعدہ کیا تھا۔جو امتحانات میں بیٹھنے والوں کو دیتے تھے اور انہیں لیک ہوئے پیپر کے لیے 2 تا 3 لاکھ روپے دینے کو کہتے تھے۔