ممبئی: ناگپاڑہ کے ایک مال میں بھیانک آتشزدگی، فائر بریگیڈ کے اہلکار زخمی

ناگپاڑہ علاقے کے سٹی سینٹر کے ایک مال میں آگ لگ گئی جس میں دو فائر بریگیڈ کے اہلکار زخمی ہوگئے ہیں۔

ریاست مہاراشٹر کے دارالحکومت ممبئی کے ناگپاڑہ علاقے کے ایک مال میں جمعرات کی شب آگ لگ گئی، فائر بریگیڈ کی متعدد گاڑیاں آگ پر قابو پانے کی کوشش میں مصروف ہیں، وہیں اس حادثے میں دو فائر بریگیڈ کے اہلکار زخمی ہوگئے ہیں۔

فائر بریگیڈ کے اہلکار زخمی

ایک فائر افسر نے بتایا کہ آگ ممبئی کے سٹی سینٹر میں جمعرات کی شب 8 بج کر 53 منٹ پر لگی، اس کی اطلاع موصول ہوتے ہی فائر بریگیڈ کی گاڑیاں موقع پر پہنچ گئیں، انہوں نے بتایا کہ آگ پر قابو نہیں پایا جاسکا ہے، افسر کے مطابق آگ لگنے کی وجہ معلوم نہیں ہوسکی ہے۔

ناگپاڑا کے ایک مال میں بھیانک آتشزدگی

سٹی سینٹر کے ایک مال میں آگ

راحت و سکون کی بات یہ ہے کہ کسی بھی طرح کا کوئی جانی نقصان نہیں ہوا ہے۔ اطلاعات کے مطابق مال میں لگی آگ لیول-3 کی تھی۔ واضح رہے کہ اس علاقہ کا ممبئی کی بڑی الیکٹرانک مارکیٹ میں شمار ہوتا ہے۔