مالیگاؤں: کووڈ سینٹر میں بھیانک آتشزدگی، مریض محفوظ

مالیگاؤں و اطراف میں آتشزدگی کے بڑھتے واقعات کے پیچھے اگرچہ کئی وجوہات کارفرما ہیں لیکن فائر بریگیڈ محکمے کےافسران کا کہنا ہے کہ زیادہ تر حادثات سلنڈر میں آگ لگنے، شارٹ سرکٹ اور الیکٹرک آلات کی وجہ سے پیش آرہے۔

مہاراشٹرا کے ناسک ضلع کے مالیگاؤں تعلقہ چاندوڑ میں ممبئی شاہراہ سے قریب واقع مودی کامپلیکس (کووڈ سینٹر) میں گذشتہ کل اچانک شارٹ سرکٹ کے سبب بھیانک آتشزدگی کا واقعہ پیش آیا۔

دراصل مودی کامپلیکس کے اُپری حصّے میں کووڈ سینٹر بنایا گیا ہے۔ اسی بلڈنگ کے بیسمنٹ اور گراؤنڈ فلور پر واقع دتاتریا گائکواڑ کے مونگیری فرنیچر گودام اور ویبھؤ کانگورڈے کی ہوٹل رن وے میں شارٹ سرکٹ کے سبب اچانکآگ لگ گئی۔ جس میں کروڑوں روپے کے نقصانات کا اندازہ لگایا جا رہا ہے۔ وہیں، 22 کورونا مریضوں کو بحفاظت نکال کر دوسری جگہ منتقل کر دیا گیا ہے۔

تفصیلات کے مطابق فائر بریگیڈ محکمے کے افسر سنجے پوار نے ای ٹی وی بھارت کو فون پر تفصیلات فراہم کرتے ہوئے بتایا کہ گذشتہ کل انہیں تحصیلدار کی جانب سے آگ لگنے کی اطلاع موصول ہوئی۔ اطلاع ملتے ہی وہ مالیگاؤں فائر بریگیڈ محکمے کے شکیل تیراک اور تین فائر مین اور 2 ڈرائیور پر مشتمل ایک ٹیم کے ساتھ چاندوڑ کے لیے روانہ ہوگئے۔

واضح رہے کہ جائے حادثے پر پہلے سے ہی فائر بریگیڈ کی کچھ گاڑیاں آگ پر قابو پانے کی کوشش کررہی تھی۔ تب مالیگاؤں فائر بریگیڈ گاڑیوں کی فوری طور پر مدد سے آگ پر قابو پانے میں کامیابی حاصل کی گئی۔

اس درمیان گودام اور دکان میں رکھی ٹی وی، فرنیچر سمیت سبھی قیمتی اشیا جل کر خاک ہوگئیں۔ اس میں کروڑوں روپے کے نقصان کا اندازہ لگایا گیا ہے۔