اورنگ آباد کے 15 فیصد مسلم شیوسینا سے وابستہ: امباداس دانوے

ریاست مہاراشٹر کے ضلع اورنگ آباد میں شیوسینا کے ضلع صدر نے دعوی کیا ہے کہ ضلع میں مسلم طبقہ کی 15 فیصد آبادی شیوسینا سے جڑی ہوئی ہے۔

شیوسینا کے رہنما اور اورنگ آباد کے ضلع صدر امباداس دانوے نے دعوی کیا ہے کہ گزشتہ 20 دنوں میں تقریباً ایک لاکھ لوگ شیوسینا سے جڑے ہیں۔

ایک پریس کانفرنس میں اپنے خطاب کے دوران انھوں نے کہا کہ شیوسینا کی جانب سے اورنگ آباد شہر میں 11ستمبر سے 30 ستمبر تک لوگوں کو پارٹی سے جوڑنے کی مہم چلائی گئی تھی اور شیوسینا کے مقامی لیڈروں نے تقریباً ایک لاکھ لوگوں کو پارٹی کا ممبر بنانے کا ہدف طئے کیا تھا جس میں انھیں حوصلہ کن کامیابی ملی۔

ضلع صدر امباداس دانوے کا کہنا ہے کہ مسلمان بھی بڑی تعداد میں شیوسینا سے جڑرہے ہیں اور اورنگ آباد کے 15 فیصد مسلم شیوسینا سے وابستہ ہوئے ہیں۔