ممبئی: خاتون منشیات فروش تین کروڑ کی منشیات کے ساتھ گرفتار

ممبئی نارکوٹکس سیل نے آج ایک خاتون منشیات فروش کو گرفتار کیا ہے اور اس کے پاس سے تین کروڑ کی منشیات ضبط کیا ہے۔

مہاراشٹر کے دارالحکومت ممبئی میں آج اینٹی نارکوٹکس سیل نے 50 برس کی خاتون کو تقریبا تین کروڑ کی ہیروئین کے ساتھ گرفتار کیا ہے۔ پولیس نے اس معاملے میں خاتون سے تفتیش کرنے کے بعد ایک اور ملزم کو بھی گرفتارکیا ہے۔

خاتون سے پوچھ گچھ میں اس بات کا انکشاف ہوا ہے کہ یہ خاتون جنوبی ممبئی کی سب سے بڑی سپلائر ہے، جو منشیات کے عادی اور اس کا کاروبار کرنے والوں کو منشیات پہنچاتی ہے۔ اس کی گرفتاری اینٹی نارکوٹکس سیل کے لیےایک بڑی کامیابی ہے۔

ڈی سی پی دتا نلاوڈے نے اس سلسلے میں بتایا کہ اس معاملے کی تہہ تک جانے کے بعد ہی یہ معلوم ہو سکے گا کہ منشیات کے اس کاروبار میں اس خاتون منشیات فروش کے ساتھ اور کتنے لوگ شامل ہیں۔

واضح رہے کہ جنوری رواں سال کے جنوری ماہ سے لے کر اب تک 6 خواتین منشیات فروش کو گرفتار کیا گیا ہے، جبکہ ان کے پاس سے پانچ کروڑ سے زائد مالیت کی منشیات ضبط کی جاچکی ہے۔