کسانوں نے راستے پر دودھ بہا کر احتجاج کیا

اورنگ آباد ضلع میں دودھ کی قیمتوں میں کمی آنے پر مختلف مضافاتی علاقوں کے کسانوں نے راستے پر دودھ بہا کر احتجاج کیا۔ ان کسانوں کا کہنا ہے کہ بڑھتی ہوئی مہنگائی میں ان کا جو دودھ 42 روپے فی لیٹر بکتا تھا اب وہ محض گر کر 25 سے 27 روپے فی لیٹر بک رہا ہے، جس کی وجہ سے مویشیوں کا خرچہ بھی نہیں نکل رہا ہے۔ Farmers Protest In Aurangabad

اورنگ آباد:ریاست مہاراشٹر کے ضلع اورنگ آباد ضلع کے مختلف علاقوں میں دودھ کے کاروبار سے منسلک سینکڑوں افراد نے قیمتوں میں اچانک کمی آنے پر احتجاج کیا۔ لوگوں نے دودھ کو سڑکوں پر بہا کر انتظامیہ کے خلاف زبردست احتجاج کیا۔ مارکیٹ میں دودھ کے بھاؤ گر کر محض 26 روپے مقرر کر دیے جانے پر، یہ کسان شدید مالی پریشانی میں مبتلا ہونے کے سبب شدید ناراض و مشتعل ہو گئے ہیں۔ ان کا مطالبہ ہے کہ دودھ کو کم از کم 50 روپے کا ریٹ ملنا چاہیے، تاہم حکومت و انتظامیہ کی سرد مہری اور کسان مزدور مخالف رجحان نے انہیں مایوس کر دیا ہے۔ اسی کے بربنات تعلقے کے چنچولی لمبا جی کے کسانوں اور دودھ کے کاروباریوں نے اپنا فروخت کے لیے لایا گیا دودھ ہی سڑک پر بہا دیا۔

اپنا احتجاج درج کرواتے ہوئے مطالبہ کیا ہے کہ حکومت دودھ کے مناسب دام مقرر کرے اور ان دودھ کے کاروباری کسانوں کو راحت فراہم کرتے ہوئے چارے پانی کی سہولیات پہنچائے جائے۔ دوسری طرف دودھ کی قیمت کم ہو جانے کا دعوی کرتے ہوئے وزیر اعلیٰ ، نائب وزیر اعلیٰ ، دودھ ترقیات وزیر کی نام لے کر دودھ راستے پر کسانوں اور دودھ کاروباریوں بہایا۔

حکومت کی کاشتکار مخالف پالیسی کی مذمت میں ایک گھنٹہ راستہ روکو احتجاج کیا گیا، جس کے سبب ٹرافک نظام ٹھپ ہو کر راستہ کے دونوں جانب وہیکلوں کی قطاریں لگ گئی تھیں۔ اورنگ آباد پونہ شاہراہ پر نئے کا ئیگاؤں علاقہ میں مذکورہ احتجاج کیا گیا۔ دودھ کی پیداوار کی قیمت حکومت کے ہندسوں کے مطابق 42 روپے ہے فی الحال مذکورہ قیمت 25 تا 27 روپئے ہو چکی ہے۔

کاشتکار 14 روپئے فی لیٹر خسارہ میں کاروبار کر رہے ہیں لہذا 42 روپئے پیداوار خرچ مزید 15 فیصد منافع طئے کرتے ہوئے 50 روپے قیمت گائے کے دودھ کو فراہم کی جائے، اس طرح کا مطالبہ کیا جا رہا ہے۔ حکومت جلد ہی 50 روپئے قیمت کا اعلان کرے ورنہ دودھ کے کاروبار سے وابستہ افراد ریاست بھر میں زوردار احتجاج کریں گے۔ جس میں شدت کا انتباہ دے کر حکومت سے فوری کاروائی کی اپیل کی گئی۔