معاوضہ کی رقم نہ ملنے پر کسان کی خودکشی کی ناکام کوشش اورنگ آباد: ریاست مہاراشٹر اورنگ آباد میں جالنا روڈ پر واقع گوداوری پاٹ بندھے دفتر میں فصل نقصان ہونے کے بعد معاوضے کی رقم نہ ملنے پر ایک نوجوان کسان نے زہریلی دوا پی کر خودکشی کرنے کی کوشش کی لیکن بروقت پولس نے مداخلت کر کے اس کی اقدام خودکشی کو ناکام بنا دیا۔ ذرائع کے مطابق ہرڈا پوری علاقہ میں باندھ کے پانی سے ہر سال فصل تباہ ہو جاتی ہے، کسانوں کی جانب سے فصلوں کے نقصان کی بھرپائی کئے جانے کا مطالبہ کیا گیا تھا لیکن گزشتہ چار پانچ سال سے معاوضے کی رقم نہیں دی جارہی تھی، کسان رقم حاصل کرنے کے لئے گوداوری کارپوریشن کے چکر کاٹ رہے تھے۔
یہ بھی پڑھیں:Haj Unequal Fee اورنگ آباد اور ناگپور عازمین حج کے لئے اضافی چارج کا فیصلہ واپس لیا جائے، ابوعاصم اعظمی
حالانکہ افسران نے کسانوں کو معاوضہ دینے سے متعلق فائنل اتھارٹی کو روانہ کر دی تھی۔ معاوضہ کی رقم نہ ملنے پر بیڑ گیورائی کے گونج میں رہنے والا کسان مہاد یوگا ذرے گوداوری کارپوریشن پہنچ گیا اور اس نے وہاں زہر پی کر خود کشی کرنے کی ناکام کوشش کی۔ اس دوران گوداوری دفتر کے افسران نے فوری معاملہ کی اطلاع جواہر نگر پولیس کو دی۔ پولس نے جائے وقوع پر پہنچی جواہر نگر پولیس اسٹیشن کے پولیس انسپیکٹر وینکٹیش کندر نے کسان کی اقدام خودکشی کو ناکام بنا دیا۔ گوداوری پاٹ بندھارے کے سپرنٹنڈنٹ انجینئر چندر شیکھر پالے نے کسان کو تیقن دہانی کرائی کہ دو دن کے اندرا معاوضہ کی رقم مل جائیں گی ساتھ ہی پولیس نے خودکشی کرنے والے شخص کو اپنے ساتھ پولیس تھانے لے گئی اور بعد میں اسے چھوڑ دیا۔
