این سی بی کے زونل ڈائریکٹر سمیر وانکھیڑے سے خاص بات چیت

این سی بی کے زونل ڈائریکٹر سمیر وانکھیڑے اور اُنکی فیملی پر یہ الزام ہے کہ وہ وصولی کے لیے مالدیپ اور دبئی گئے۔

مہاراشٹر کے وزیر نواب ملک نے این سی بی کے زونل ڈائریکٹر سمیر وانکھیڑے اور اُنکی فیملی پر یہ الزام لگایا ہے کہ وہ وصولی کے لیے مالدیپ اور دبئی گئے۔

ای ٹی وی بھارت نے سمیر وانکھیڑے سے ان الزامات کو لیکر خاص بات چیت کی۔ وانکھیڑے نے کہا کہ میں نے نشے کے خلاف کارروائی کی ہے اس لئے مجھے اور میرے اہل خانہ کو نشانہ بنایا جا رہا ہے۔ انہوں نے کہا 'میں مالدیپ گیا ہوں لیکن اپنی فیملی بچوں کے ساتھ گھومنے گیا' ۔ سمیر وانکھیڑے نے کہا کہ 'میں سرکاری اجازت لینے کے بعد گیا ہوں'۔

اس دوران ہمارے نمائندے نے سمیر وانکھیڑے سے اننیا پانڈے سے متعلق بات کرنی چاہی لیکن انھوں نے اس معا ملے پر کچھ بھی بولنے سے انکار کر دیا۔