اورنگ آباد: فرانسیسی مصنوعات کے بائیکاٹ کی اپیل

پیغمبر اسلام حضرت محمد صلی اللہ علیہ وسلم کی شان میں گستاخی کرنے پر فرانس کے خلاف مظاہرہ اور بائیکاٹ کا سلسلہ جاری ہے۔

ریاست مہاراشٹر کے اورنگ آباد میں امارت شریعہ مراٹھواڑہ کی جانب سے اپیل کی گئی ہے کہ فرانسیسی مصنوعات کا پوری طرح سے بائیکاٹ کیا جائے ۔

علما کرام نے بھی فرانس کی گستاخانہ حرکت کے خلاف شدید برہمی کا اظہار کیا اور فرانس کی اشیا کے بائیکاٹ کی اپیل کی ، امارت شریعہ مراٹھواڑہ کے نائب امیر مولانا عبدالرشید مدنی کا کہنا ہیکہ احتجاج کا راستہ اختیار کرنے کے بجائے انھیں اقتصادی چوٹ پہنچانا زیادہ اہم ہے ، اس لیے مسلمانوں کو چاہیے کہ وہ صبر وتحمل کے ساتھ عملی اقدامات کریں ۔

واضح رہے کہ فرانس کے صدر نے گزشتہ دنوں پیغمبرِ اسلام کے خاکے شائع کرنے کا دفاع کرتے ہوئے کہا تھا کہ مذہب اسلام پوری دنیا میں بحران کا مذہب بن گیا ہے اور ان کی حکومت دسمبر میں مذہب اور ریاست کو الگ کرنے والے 1905 کے قوانین کو مزید مضبوط کرے گی۔اسی تناظر میں دیے گئے صدر کے حالیہ بیانات کے بعد مسلم ممالک ؎ میں فرانسیسی مصنوعات کے بائیکاٹ کی مہم نے زور پکڑ لی۔