غریب و بے سہارا لوگوں میں جیکٹ تقسیم

ریاست مہاراشٹر کے شہر مالیگاؤں میں سردی کے موسم میں نوجوانوں کی تنظیم 'ایکتا فاونڈیشن' کی جانب سے مستحق و بے سہارا لوگوں میں عمدہ قسم کے جیکٹ و دیگر ملبوسات کی تقسیم کی گئیں۔

ایکتا فاونڈیشن کے زیر اہتمام شہر کے مختلف مقامات اور شاہراہوں پر زندگی گزارنے والے بے سہارا اور غریب لوگوں کو ڈھونڈ کر اور ان کی عزت نفس کا خیال رکھتے ہوئے احترام کے ساتھ بطور تحفہ میں جیکیٹ دیا گیا۔

ای ٹی وی بھارت کے نمائندے ساجد ندیم نے ایکتا فاونڈیشن کے نوجوانوں سے ملاقات کی اور تنظیم کے سکریٹری احتشام شیخ بیکری والا سے بات جیت کی۔

احتشام شیخ بیکری والا نے بتاتا کہ جیکیٹ اسکیم کے تحت عمدہ قسم کے ملبوسات ہماری ٹیم نے مالیگاؤں شہر کا دورہ کرکے مختلف مقامات بڑا قبرستان، مشاورت چوک، قدوائی روڈ، جونا بس اسٹینڈ، نیا بس اسٹینڈ، آگرہ روڈ اور کیمپ میں رہنے والے غریبوں میں بلا تفریق تقسیم کیا گیا۔