Eknath Shinde Takes Charge as CM: وزیر اعلی ایکناتھ شندے نے اپنے عہدے کا چارج سنبھالا

مہاراشٹر کے وزیر اعلیٰ ایکناتھ شندے نے آج بروز جمعرات کو باضابطہ طور پر ممبئی میں ریاستی صدر دفتر منترالیہ میں اپنے عہدے کا چارج سنبھالا۔ Maharashtra CM Eknath Shinde formally took the charge of CMO

ممبئی:ایکناتھ شندے کے وزیر اعلیٰ کا چارج سنبھالنے سے قبل وزیراعلیٰ کے دفتر میں ایک پوجا کا انعقاد کیا گیا تھا۔ اس میں شرکت کے بعد ایکناتھ شندے پہلی مرتبہ وزارت میں اپنے چیمبر میں داخل ہوئے۔ اس موقع پر نائب وزیراعلی دیویندر فڑنویس بھی ان کے ساتھ موجود تھے۔

وزیر اعلی ایکناتھ شندے نے اپنے عہدے کا چارج سنبھالا

وزیر اعلی کے چیمبر میں شیوسینا کے بانی بال ٹھاکرے اور شندے کے سرپرست آنند دیگھے کی ایک بڑی تصویر آویزاں کی گئی ہے۔ واضح رہے کہ 30 جون کو شیوسینا کے باغی رکن اسمبلی ایکناتھ شندے نے مہاراشٹر کے نئے وزیر اعلی کے طور پر حلف لیا تھا، وہیں مہاراشٹر کے سابق وزیر اعلی و بی جے پی رہنما دیویندر فڑنویس نے نائب وزیر اعلی کے عہدے کا حلف لیا تھا۔ مہاراشٹر کے گورنر بھگت سنگھ کوشیاری نے ایکناتھ شندے اور دیویندر فڑنویس کو حلف دلایا تھا۔