خلدآباد میں ہر سال بارہ ربیع الاول کو پیغمبر اسلام محمد صلی اللہ علیہ وسلم کے پیرہن مبارک کی زیارت کروائی جاتی ہے لیکن اس سال کورونا وبا کی وجہ سے خلدآباد میں ہونے والی سبھی تقریبات کو منسوخ کر دیا گیا ہے۔
بزرگان دین کے مسکن خلدآباد میں حضرت سید زین الدین داؤد حسین شیرازی المعروف بائیس خواجہ کے احاطے میں پیرہن مبارک کی زیارت کرائی جاتی ہے ۔
کہا جاتا ہے کہ یہ پیرہن مبارک پیغمبر اسلام حضرت محمد مصطفی صلی اللہ علیہ وسلم کا پیرہن ہے جو بائیس واسطوں سے ہوتا ہوا حضرت خواجہ زین الدین شیرازی المعروف بائیس خواجہ تک پہنچا ہے۔
آپ صلی اللہ علیہ وسلم کے یوم ولادت کے موقع پر ہر سال بارہ ربیع الاول کو درگاہ کے احاطے میں پیرہن مبارک کی زیارت کرائی جاتی ہے زیارت کے لیے ملک اور بیرون ملک سے عقیدت مند مہاراشٹر کے خلدآباد پہنچتے ہیں لیکن کورونا وبا کی وجہ سے گزشتہ سات سو سال سے چلی آرہی روایات میں پہلی مرتبہ ایسا ہو رہا ہے کہ 12 ربیع الاول کو خلدآباد شہر کو پوری طرح سے بند کر کے یہاں کی ساری تقریبات کو منسوخ کردیا گیا ہے ۔