مہاراشٹر: پالگھر میں زلزلے کے جھٹکے

مہاراشٹر کے پالگھر میں زلزلے کے جھٹکے محسوس کیے گئے۔ تاحال کسی جانی نقصان کی کوئی اطلاع نہیں ہے۔

ریاست مہاراشٹر کے ضلع پالگھر میں آج صبح تقریبا 11 بج کر 57 منٹ پر زلزلے کے جھٹکے محسوس کیے گئے۔ ریکٹر اسکیل پر زلزلے کی شدت 3.7 درج کی گئی ہے۔

زلزلے کے جھٹکے محسوس ہونے کے بعد لوگ اپنے گھروں سے باہر نکل آئے۔ تاحال کسی جانی نقصان کی کوئی اطلاع نہیں ہے۔

شہریوں نے بتایا ہے کہ 'بورڈی، گھولوڈ، تلاسری اور چاروٹی علاقوں میں زلزلے کے ہلکے جھٹکے محسوس کیے گئے۔'