Action Against Pharma Companies ڈی آر آئی نے دو فارما کمپنیوں میں کارروائی کی

ریاستِ مہاراشٹر کے اورنگ آباد کے پیٹھن ایم آئی ڈی سی میں دو فارما کمپنیوں کو سیل کیا ہے۔ ڈی آر آئی نے دوا بنانے کے لیے درکار 107 لیٹر خام مال ضبط کر لیا ہے۔ جس کی قیمت 160 کروڑ روپے ہے۔ اس کارروائی میں دو افراد کو حراست میں لے لیا گیا ہے۔ ایک ہفتے پہلے بھی اورنگ آباد میں ڈائریکٹوریٹ آف ریونیو انٹیلی جنس اور گجرات کرائم برانچ کی جانب سے کارروائی کی گئی تھی۔

اورنگ آباد:ڈی آر آئی نے ایک بار پھر مہاراشٹر کے اورنگ آباد میں ایک بڑی کارروائی کی ہے۔ یہ مشترکہ کارروائی ڈائریکٹوریٹ آف ریونیو انٹیلی جنس (ڈی آر آئی) کی پونے اور احمد آباد یونٹوں نے کی ہے۔ اس بار پیٹھن ایم آئی ڈی سی میں دو فارما کمپنیوں کو سیل کیا گیا ہے۔ ڈی آر آئی نے دوا بنانے کے لیے درکار خام مال ضبط کر لیا ہے۔ یہ 107 لیٹر خام مال تھا۔ جس کی تخمینہ لاگت 160 کروڑ روپے ہے۔ دو افراد کو حراست میں لے لیا گیا ہے۔ میفیڈرون، کیلا مائن اور کوکین قبضے میں لے لی گئی۔ اس دوران گرفتار افراد کو عدالتی تحویل میں بھیج دیا گیا۔ معاملے کی جانچ مسلسل اور تیزی سے کی جا رہی ہے۔ Apex Medicam Pvt نامی کمپنی کی فیکٹری کی ڈی آر آئی ٹیم نے تلاشی لی۔ ٹیم کو اطلاع ملی تھی کہ ان فیکٹریوں میں نشہ آور اشیاء تیار کی جارہی ہیں۔ اس اطلاع کی بنیاد پر ان ٹیموں نے کارروائی کی۔

فی الحال اس معاملے کی مزید تفتیش شروع کر دی گئی ہے۔ ڈی آر آئی کی کارروائیاں مسلسل مصنوعی ادویاتکے بڑھتے ہوئے استعمال اور صنعتی اکائیوں کی طرف سے ان ادویات کی تیاری میں غلط استعمال کو اجاگر کرتی رہی ہیں۔ ادھر ملک بھر میں منشیات کے خلاف بڑے پیمانے پر مہم جاری ہے۔ ڈی آر آئی نے پھلے بھی کارروائی کی تھی اس سے پہلے بھی ڈی آر آئی کی پونے اور احمد آباد کی ٹیموں نے اورنگ آباد میں مشترکہ آپریشن کیا تھا۔ اس کارروائی میں تقریباً 250 کروڑ روپے کی منشیات ضبط کی گئی۔ اس کے علاوہ ابتدائی معلومات کے مطابق یہ نشہ گجرات سے آیا تھا۔ اس کے بعد ایک بار پھر پونے اور احمد آباد ڈی آر آئی کا یہ مشترکہ آپریشن اورنگ آباد میں کیا گیا ہے۔