مہاراشٹر اردو اکیڈمی کے چیئرمن کا مالیگاؤں دورہ

ڈاکٹر احمد رانا صدیقی نے مرکزی حکومت کے کروڑوں روپے کی لاگت سے تعمیر کردہ عالیشان اردو گھر اور زیرتعمیر معین الدین چشتی فلائی اوور پل کا جائزہ لیا۔

ای ٹی وی بھارت کے نمائندے ایس این انصاری نے ڈاکٹر احمد رانا صدیقی سے اردو میڈیا سینٹر میں خصوصی گفتگو کی۔

اقلیتی شہر کہلانے والے شہر مالیگاؤں کو سب سے پہلے اقلیت کا رونا بند کرنا پڑے گا۔ گزشتہ پچاس سالوں میں شہر میں ترقی کے نام پر صرف سیاست ہوئی اور عوام کو دھوکے میں رکھا گیا۔ آج بھی مرکزی سرکار مسلمانوں کی فلاح و بہبود کے لیے اسکیمیں جاری کر رہی ہے۔ اس طرح کا اظہار و خیال ڈاکٹر احمد رانا صدیقی نے کیا۔

موصوف نے کہا کہ خواتین کو روزگار سے جوڑنے کے لیے مرکزی سرکاری نے اسکل ڈیولپمنٹ پروگرام بنایا ہے۔ اسی طرح سے بے روزگار تعلیم یافتہ نوجوانوں کے لیے قرض خاص طور پر مسلم طبقہ کے لوگوں کو بلا سودی قرض جاری کرنا شامل ہے۔