دلیپ کمار کی صحت مستحکم

بالی ووڈ کے لیجنڈ اداکار دلیپ کمار کی اہلیہ سائرہ بانو اپنے شوہر کی صحت سے متعلق کہا کہ وہ شہر کے ہندوجا اسپتال میں زیرعلاج ہیں جہاں ان کو آئی سی یو میں رکھا گیا ہے، ان کی صحت بہتر اور مستحکم ہے۔

سائرہ بانو نے بتایا کہ صاحب کی صحت کافی بہتر ہے۔ ہم ابھی بھی آئی سی یو میں ہیں تاہم پہلے کے مقابلہ اب ان کی صحت بہت مستحکم ہے، لوگوں سے دعا کی درخواست ہے کہ ہم کو یہاں سے جلد از جلد چھٹی ملے اور ہم یہاں جلد نکلیں۔

Dilip Kumar

اس دوران سائرہ بانو نے مداحوں اور خیر خواہوں کا شکریہ ادا کیا جنہوں نے دلیپ کمار کے لئے نیک خواہشات کا اظہار کیا اور ہر ممکن تعاون کیا۔

اسپتال کے ایک ذرائع کے مطابق کمار کی سانس لینے کی تکلیف پر قابو پالیا گیا ہے۔ تاہم وہ ایک دو دن تک اسپتال میں ہی رہیں گے۔ " فی الحال انکو انتہائی نگہداشت میں رکھا گیا ہے جہاں ان کا علاج چل رہا ہے۔