Fadnavis Meets Governor in Mumbai: دیویندر فڑنویس کی گورنر سے ملاقات، فلور ٹیسٹ کا مطالبہ

مہاراشٹر کے سابق وزیر اعلی و بی جے پی رہنما دیویندر فڑنویس نے ریاست میں جاری بحران کے دوران گورنر بھگت سنگھ کوشیاری سے ملاقات کی اور ایوان میں فلور ٹیسٹ کا مطالبہ کیا۔ Devendra Fadnavis Arrives at Raj Bhavan to Meet Governor in Mumbai

ممبئی:مہاراشٹر میں سیاسی بحران جاری ہے۔ اسی دوران بی جے پی رہنما و سابق وزیر اعلی دیویندر فڑنویس آج دہلی بھی گئے تھے، جہاں انہوں نے وزیر داخلہ امت شاہ اور بی جے پی کے صدر جے پی نڈا سے ملاقات کی۔ دہلی سے واپس آنے کے بعد دیویندر فڑنویس اب مہاراشٹر کے گورنر بھگت سنگھ کوشیاری سے ملاقات کے لیے راج بھون پہنچے اور ایوان اسمبلی میں فلور ٹیسٹ کا مطالبہ کیا۔

گورنر سے ملاقات کے بعد صحافیوں سے بات کرتے ہوئے دیویندر فڑنویس نے کہا کہ ہم نے مہاراشٹر کے گورنر کو ایک لیٹر دیا ہے جس میں کہا ہے کہ شیوسینا کے 39 باغی اراکین اسمبلی کا کہنا ہے کہ ہم این سی پی اور کانگریس کے ساتھ اتحاد میں نہیں رہیں گے۔ اس سے ظاہر ہوتا ہے کہ مہا وکاس اگھاڑی حکومت کے پاس اکثریت نہیں ہے، اسی لیے ہماری درخواست ہے کہ وزیر اعلی کو ہدایت دی جائے کہ وہ فوری طور پر فلور ٹیسٹ کے ذریعے اپنی اکثریت ثابت کریں۔