بال ٹھاکرے پر پروگرام، فڑنویس اور راج ٹھاکرے مدعو نہیں

دادر میں شیواجی پارک کے سامنے والے پرانے میئر بنگلے میں بالاصاحب ٹھاکرے کے قومی یادگاری کا بھومی پوجن پروگرام منعقد ہوا۔ یہ پروگرام عوام کے لئے آن لائن براہ راست نشریات کیا گیا۔ اس پروگرام میں ایک بہت بڑا ہجوم دیکھا گیا۔

آنجہائی بالاصاحب ٹھاکرے نیشنل میموریل کے بھومی پوجن پروگرام میں ادھوٹھاکرے نے اپنے چچازادبھائی اور مہاراشٹر نو نرمان سینا کے صدر راج ٹھاکرے اور اپوزیشن لیڈر دیویندر فڑنویس کو اس پروگرام میں کورونا کا بہانہ بناتے ہوئے دعوت نامہ نہیں دیا۔

جبکہ شیوسینا کے لیڈران کے ساتھ ریاست کے نائب وزیراعلیٰ اور این سی پی لیڈر اجیت داداپوار اور کانگریس کے بالا صاحب تھوراٹ کےعلاوہ سنجے راؤت، ایکناتھ شندے، سبھاش دیسائی، ممبران پارلیمنٹ اروند ساونت، راہول شیوالے، ونائک راوت، گجنن کیرتیکر میونسپل میئر کشوری پیڈینکر، ممبئی میونسپل کمشنر اقبال سنگھ چہل، ایم ایم آر ڈی اے کمشنر آر۔راجیو، ممبئی پولیس کمشنر ہیمنت ناگرال اور چیف سکریٹری ستارام کونٹے سمیت شیوسینا اور دیگر پارٹیوں کے نمائندے بھی پرواگرام میں دکھائی دیے۔

مہا وکاس آگھاڑی سرکار جب سے مہاراشٹر کے اقتدار میں آئی ہے تب سے ہی بی جے پی سے شیوسینا کے تعلقات بے حد خراب چل رہے ہیں۔

پہلے سوشانت سنگھ اور اب سچن وازے کے معاملے میں فڑنویس کے ساتھ پارٹی کے دیگر لیڈران بھی وقتاً فوقتاً ٹھاکرے کو اپنی تنقیدکا نشانہ بنارہے ہیں۔ یہ بھی کہا جاتا ہے کہ جب دیویندر فڑنویس ریاست کے وزیر اعلیٰ تھے تب انہوں نے چھترپتی شیواجی مہاراج میموریل کے بھومی پوجن پروگرام میں ادھو ٹھاکرے کو مدعو نہیں کیا تھا۔

ادھو ریاست کے وزیراعلیٰ تو انہوں نے بالاصاحب ٹھاکرے قومی یادگاری کے بھومی پوجا میں شرکت کے لئے فڑنویس کو مدعو نہ کرکے فڑنویس سے انتقام لیا ہے۔