اقوام متحدہ کے یونیورسل ڈیکلئیریشن آف ہیومن رائٹس کے 75 برس مکمل ہونے پر رواں برس خصوصی تقاریب کا اہتمام کیا جا رہا ہے۔اس حوالے سے دنیا بھر میں انسانی عظمت، آزادی اور انصاف کے عنوان سے مختلف پروگرامز کا انعقاد کیا جا رہا ہے ۔75 برسوں سے یوم حقوق انسانی کے اہتمام کے باوجود حقیقی صورت حال یہ ہے کہ انسانی حقوق کی پامالی آج پوری دنیا کا سب سے بڑا مسئلہ ہے۔ دنیا کی بیشتر مملکتیں نہ صرف عوام کےن حقوق کو پامال کر رہی ہیں ۔آج بھی دنیا بھر میں کروڑوں افراد بنیادی انسانی حقوق سے محروم ہیں۔ اس سلسلہ کا سب سے افسوس ناک پہلو یہ ھیکہ عالمی سطح پر حقوق انسانی کے خود ساختہ علمبردار ممالک کے رہنما سب سے زیادہ حقوق کی پامالی کرتے نظر آتے ہیں۔Event held in Maharashtra
ہمارے ملک بھارت کا آئین بھی انسانی حقوق اور انصاف و آزادی کے ساتھ شہریوں کو عزت کے ساتھ جینے کا حق فراہم کرتا ہے۔ لیکن ملک عزیز میں بھی انسانی حقوق کی پامالی کے واقعات روز بروز بد ترین صورتحال اختیار کرتے جا رہے ہیں۔مذہبی مقامات پر حملے،ماب لنچنگ، فرقہ وارانہ منافرت، قانون شکنی، خواتین کے ساتھ ظلم و ناانصافی جنسی استحصال کے واقعات میں بے پناہ اضافہ ہوا ہے۔ خاص طور پر حالیہ برسوں میں انسانی حقوق و انصاف کے محافظ خود مختار اداروں کو حکومتوں کی منشا کے مطابق استعمال کرنے کی کوششیں تشویشناک حد تک بڑھ گئی ہیں۔ گزشتہ سال خواتین کےخلاف جرائم کی شکایت میں ٪30 فیصد اضافہ ہوا ہے ۔یہی حال سماجی اور معاشی طور پر کمزور طبقات کے حقوق کا بھی ہے ۔ محنت کش طبقات کو بھی ان کے جائز حقوق نہیں مل رہے ہیں۔