انہوں نے کہا کہ امریکہ میں لاک ڈاون کے درمیان مختلف خلاف ورزی کرنے پر امریکی حکومت نے بھی امریکی فوجیوں کا سہارا لیا تھا۔
انہوں نے کہا کہ ممبئی سمیت مہاراشٹر کے عوام حکومت کو مجبور نہ کرے کہ وہ مہاراشٹر کو فوج کے حوالے کر دے۔
نائب وزیر اعلی کا یہ بیان اس وقت جاری کیا گیا جب سوشل میڈیا پر ایک دودھ کی گاڑی کو لوٹتے اور وسئی علاقہ میں ایک پولیس سپاہی کو موٹر سائیکل چلانے والے نوجوان کی جانب سے زدوکوب کرتے ہوئے دکھائے جانے والے ویڈیو وائرل ہوئے۔ اسی طرح سے مالیگاوں میں مجلس اتحادالمسلمین کے
رکن اسمبلی مفتی محمد اسماعیل کے ذریعے مالیگاوں کے سرکاری اسپتال میں ڈاکٹروں کے خلاف نازیبا کلمات ادا کرنے اور انہیں دھمکانے کا معاملہ بھی سامنے آیا ہے۔
نائب وزیر اعلی نے اس ضمن میں اپنے کابینی وزرا اور اعلی افسران سے گفتگو کی اور کہا کہ لاک ڈاون اور کرفیو کے باوجود عوام دھڑلے کے ساتھ روڈ پر گھوم رہے ہیں اور ڈاکٹروں پر حملہ کیا جا رہا ہے جو ناقابل برداشت ہے۔
انہوں نے کہا کہ کورونا وائرس کے خلاف لڑی جانے والی اس جنگ میں جو کوئی رخنہ اندازی کرے گا، اس کے ساتھ سختی کے ساتھ کارروائی کی جائے گی اور سخت سزا دی جائے گی۔
اجیت پوار نے مزید کہا کہ ریاست میں دودھ، پھل، سبزی ترکاری، ادویات، اناج اور پیٹرول کا بھرپور اسٹاک موجود ہے لیکن اس کے باوجود بازاروں میں عوام کی بھیڑ ایک تشویشناک امر ہے۔
انہوں نے کہا کہ سرکاری افسران کو حکم دیا گیا ہے کہ وہ ضروری اجناس عوام الناس کو ان کے دروازے تک پہنچائے یا رہائشی سوسائٹیوں کے گیٹ تک ضروری اشیا مہیا کی جائے۔
انہوں نے غیر سرکاری تنظیموں، سماجی خادموں اور دیگر سے درخواست کی ہے کہ وہ بزرگ شہریوں اور خواتین کی ضرورتوں کا خاص خیال رکھتے ہوئے ان کی ہر ممکن مدد کریں۔
