علامتی قربانی کے نکات کو حکومتی سرکلر سے نکالنے کا مطالبہ

مہاراشٹر کے دارالحکومت ممبئی میں کانگریس پارٹی کے رکن اسمبلی امین پٹیل نے اسمبلی اجلاس کے دوران قربانی سے متعلق حکومتی سرکلر میں جاری کیے گئے علامتی قربانی کے نکات کو خارج کرنے کا مطالبہ کیا ہے۔

کانگریس پارٹی کے رکن اسمبلی امین پٹیل نے ای ٹی وی بھارت سے بات کرتے ہوئے کہا کہ انہوں نے اسمبلی اجلاس کے دوران مسلم وزرا سے مل کر اس بات کا مطالبہ کیا کہ قربانی سے متعلق جو سرکلر حکومت نے جاری کیا ہے اس میں سے علامتی قربانی کے نکات کو نکالا جائے۔

امین پٹیل نے مسلم ریزرویشن کے معاملے پر کہا کہ حکومت سے ہم نے اس بات کا بھی مطالبہ کیا ہے کہ عدالت نے ریزرویشن سے متعلق جو ہدایات جاری کی ہیں اس پر عمل کیا جائے۔