ریاست مہاراشٹر کی حکومت اور محکمہ بی ایم سی ہمیشہ سے اس بات پر زور دیتی رہی ہے کہ ممبئی میں کووڈ ہسپتالوں کی حالت بہتر ہے لیکن حقیقت اس کے برعکس ہے۔ اس کا اندازہ وہی لگا سکتا ہے جو کورونا کو شکست دے کر ایک نئی زندگی پائی ہو۔
ممبئی کے کووڈ ہسپتالوں کو بہتر بنانے کا مطالبہ
کورونا کے مریضوں کی تعداد میں مسلسل اضافے کے بعد محکمہ بی ایم سی نے ممبئی کے کئی ہسپتالوں کو کووڈ ہسپتالوں میں تبدیل کر دیا ہے۔ چونکہ سب سے زیادہ کورونا کا قہر مہاراشٹر میں ہی ہے اور مسلم گنجان آبادی والے علاقوں میں ہوا ہے۔ وجہ صاف ہے کہ لوگوں کی تعداد یہاں زیادہ ہونے کے سبب زمین، راستے اور آشیانے تنگ ہیں۔ جہاں سماجی دوری کے قوانین کی خلاف ورزی عوام کی مجبوری ہے۔ اس تعداد کا اثر ان بستیوں سے منسلک ہسپتالوں پر گہرا اثر پڑا ہے۔