بھیما كورے گاؤں کیس این آئی اے کورٹ میں منتقل کرنے پر فیصلہ محفوظ

مہاراشٹر حکومت کی طرف سے اعتراض ظاہر کرنے کے بعد ریاست کی ایک عدالت نے بھیما كورے گاؤں تشدد کے کیس کو قومی جانچ ایجنسی کی عدالت میں منتقل کرنے پر اپنا فیصلہ محفوظ رکھ لیا۔

ایڈیشنل سیشن جج ایس آر نواندر 14 فروری کو اس تعلق سے اپنا فیصلہ سنائیں گے۔

غور طلب ہے کہ این آئی اے نے پہلے 29 جنوری کو یہاں سیشن عدالت میں ایک عرضی دائر کرکے اس معاملے کو ایجنسی کی ممبئی عدالت میں منتقل کرنے کا مطالبہ کیا تھا۔
ریاستی حکومت نے عدالت کے سامنے ایک عرضی دائر کی تھی جس میں اس نے عدالت کے تمام ریکارڈ کو منتقل کرنے پر اعتراض کیا، اس میں کہا گیا ہے کہ این آئی اے کی تحقیقاتی مشینری نے کیس کی منتقلی کے لیے کوئی قانونی اور مناسب وجہ نہیں بتائی ہے۔

یہ بھی کہا گیا ہے کہ این آئی اے ایکٹ کی دفعہ 22 (2) ریاستی حکومت کو کسی ایک یا تمام اعمال کے تحت جرم کی سماعت کے لیے ایک یا زیادہ خصوصی عدالتیں قائم کرنے کا حق دیتی ہے۔

قابل ذکر ہے کہ ایک جنوری 2018 کو بھیما كورے گاؤں کے جشن کا 200 ویں سالگرہ کے موقع پر تشدد بھڑک اٹھا تھا جس میں ایک شخص کی جان چلی گئی تھی جبکہ متعددافراد زخمی ہوگئے تھے۔