ڈانس بار سپریم کورٹ کے حکمنامے کی خلاف ورزی کر رہے ہیں؟

سنہ2018 میں ممبئی پولیس کو کچھ ایسی عرضی موصول ہوئیں جسمیں کہا گیا تھا کہ ڈانس بار میں فحش ڈانس کیا جاتا ہے جس کے بعد ممبئی پولیس نے 14 آرکسٹرا بار کے لائسنس رد کر کرد یے تھے۔

ملک کی سب سے بڑی عدالت سپریم کورٹ نے کچھ ہی مہینے پہلے مہاراشٹر میں ڈانس بار کے لئے حکم جاری کیا تھا۔

اس حکم کے بعد لاکھوں لوگوں نے خوشی ظاہر کی تھی۔ لیکن حیرانی اس بات کی کہ ابتک ممبئی پولیس کو سپریم کورٹ کے ذریعہ جاری کیے گئے حکمنامے اور قوانین کا سہارا لیکر صرف ٦ ڈانس بار مالکوں نے ممبئی پولیس عرضی دی۔اور یہ عرضی بھی اس قانون کے دائرے میں نہ ہونے کی وجہ سے ممبئی پولیس نے قبول نہیں کی۔
خیال رہے کہ اگست 2018 میں ممبئی پولیس کو کچھ ایسی عرضی موصول ہوئی جسمیں کہا گیا تھا کہ ڈانس بار کے نام پر ڈانس بار میں فحش ڈانس کیا جاتا ہے جس کے بعد ممبئی پولیس نے 14 آرکسٹرا بار کے خلاف کارروائی کی اور انکے لائسنس بھی رد کر کرد یے۔

ممبئی میں ایک ہزار سے زیادہ ڈانس بار ہیں اور سپریم کورٹ کے حکم کے بعد بھی یہ آج بھی غیر قانونی طریقے سے چل رہے ہیں جبکہ پوری ممبئی میں صرف 3ایسے ڈانس بار ہیں جو قانونی ہیں۔

سنہ 2005 میں مہارشٹر کے وزیر داخلہ آنجہانی آر آر پاٹل نے ڈانس بار پر پابندی عائد کی تھی۔ سنہ2013 میں سپریم کورٹ نے اس پابندی کو ختم کر دیا۔ لیکن 2014 میں ریاستی حکومت کی داخل اندازی کے بعد یہ پابندی پھر سے عائد کر دی گئی۔ تاہم 2015 میں ایک بار پھر سپریم کورٹ نے ریاستی حکومت کی اس پابندی کو غیر قانونی بتاتے ہوئے ڈانس بار جاری رکھنے کا حکم دیا۔

مہاراشٹر میں سن 1980 میں رائے گڑھ ضلع میں پہلا ڈانس بار کا آغاز ہوا تھا اور پھر رفتہ رفتہ پورے مہارشٹر میں ڈانس بار شروع ہو گیا۔ ڈانس بار میں بار ڈانسر اور ویٹر کا کام کرنے والی لڑکیاں نیپال اور بنگلہ دیش سے ممبئی پہچنی اور اس پیشے سے جڑ کر یہیں مقیم ہوگئیں۔