مہاراشٹر: جون کے پہلے ہفتے میں سمندری طوفان کا اندیشہ

محکمہ موسمیات کے مطابق بحیرہ عرب میں ہوا کا دباؤ کم ہوا ہے جو طوفان چکرورتی کی شکل اختیار کر کے جون کے پہلے ہفتے میں مہاراشٹر اور گجرات کا رخ کرسکتا ہے۔

محکمہ موسمیات نے ایک ٹویٹ میں کہا 'جنوب مشرقی اور مشرقی وسطی بحیرہ عرب اور لکشدیپ میں کم ہوا کے دباؤ والا علاقہ تشکیل پایا ہے۔

بشکریہ ٹویٹر

محکمہ موسمیات کا کہنا ہے کہ 'کم ہوا دباؤ والا خطہ آگے بڑھتے ہوئے چکرورتی طوفان کی شکل اختیار کرسکتا ہے، توقع ہے کہ وہ شمال کی طرف بڑھ جائے گا اور 3 جون تک شمالی مہاراشٹر اور گجرات کے ساحل تک پہنچ جائے گا۔

محکمہ نے کہا 'اگلے 24 گھنٹوں میں مشرقی وسطی اور اس سے ملحق جنوب مشرقی بحیرہ عرب پر کم ہوا کا دباؤ زیادہ مضبوط ہونے کا امکان ہے۔